जनगणना विभाग

जनगणना विभागाची माहिती (About Census Department)

भारत सरकारमार्फत दर 10 वर्षांनी राष्ट्रीय स्तरावर जनगणना प्रक्रिया राबविण्यात येते. जनगणना ही देशातील लोकसंख्या, सामाजिक, आर्थिक, शैक्षणिक, रोजगार व राहणीमानाशी संबंधित महत्त्वाची माहिती संकलित करण्याची अधिकृत प्रक्रिया आहे.

जनगणना माहितीच्या आधारे शासन विविध विकास योजना, पायाभूत सुविधा, शैक्षणिक सुविधा, आरोग्य सेवा व नागरी सेवा यांचे नियोजन करते.

जनगणना 2027 संदर्भातील कामकाजासाठी धुळे महानगरपालिका क्षेत्रात स्वतंत्र प्रशासकीय यंत्रणा कार्यरत करण्यात आलेली असून जनगणना कार्य सुरळीत पार पाडण्यासाठी विविध अधिकारी नियुक्त करण्यात आले आहेत.

प्रधान जनगणना अधिकारी (Principal Census Officer)

प्रधान जनगणना अधिकारी हे जनगणना प्रक्रियेचे प्रमुख अधिकारी असून संपूर्ण महानगरपालिका क्षेत्रातील जनगणना कामकाजाचे नियोजन, नियंत्रण व देखरेख करतात.

प्रधान जनगणना अधिकारी:
श्री. नितीन कापडणीस, आयुक्त, धुळे महानगरपालिका

शहर जनगणना अधिकारी (City Census Officer)

शहर जनगणना अधिकारी हे शहर स्तरावर जनगणना प्रक्रिया प्रभावीपणे पार पाडण्यासाठी जबाबदार असतात. जनगणना क्षेत्रांचे नियोजन, प्रगणक व पर्यवेक्षक यांचे मार्गदर्शन तसेच माहिती संकलन प्रक्रियेचे नियोजन करणे ही त्यांची जबाबदारी असते.

शहर जनगणना अधिकारी:
श्री. हेमंत निकम, उपायुक्त, धुळे महानगरपालिका

विभाग प्रमुख (Department Head)

विभाग प्रमुख हे महानगरपालिका स्तरावर जनगणना विभागाचे प्रमुख अधिकारी असून जनगणना कामकाजाचे समन्वय, देखरेख व मार्गदर्शन करतात.

विभाग प्रमुख:
श्री. रविकिरण पाटकरी
मोबाईल क्रमांक: 9423516511

चार्ज कार्यालय माहिती (Charge Office Details)

जनगणना 2027 प्रभावीपणे पार पाडण्यासाठी महानगरपालिका क्षेत्राचे चार्ज कार्यालयांमध्ये विभाजन करण्यात आले आहे. प्रत्येक चार्ज कार्यालयांतर्गत काही निश्चित प्रभाग समाविष्ट असून संबंधित चार्ज अधिकारी यांच्या नियंत्रणाखाली जनगणना कामकाजाचे नियोजन, अंमलबजावणी व देखरेख केली जाते.

चार्ज स्तरावरील प्रमुख कामे:

• प्रगणना क्षेत्रांचे नियोजन करणे
• प्रगणक व पर्यवेक्षक यांची नियुक्ती व प्रशिक्षण देणे
• घरगुती सर्वेक्षण व लोकसंख्या माहिती संकलन करणे
• नागरिकांना अचूक माहिती देण्यासाठी मार्गदर्शन करणे
• माहितीची पडताळणी करणे
• प्रगती अहवाल सादर करणे
• अडचणी सोडविणे
• गोपनीयता व अचूकता राखणे
• क्षेत्रीय कर्मचाऱ्यांचा समन्वय करणे

चार्ज कार्यालय क्र. 1

• समाविष्ट प्रभाग: 1, 2, 4, 5, 6, 7
• चार्ज अधिकारी: श्री. किशोर शिंदे
• मोबाईल: 8668513587
• पत्ता: नवरंग वॉटर टँक इमारत, देवपूर, धुळे

चार्ज कार्यालय क्र. 2

• समाविष्ट प्रभाग: 3, 11, 12, 15
• चार्ज अधिकारी: श्री. सागर जकातदार
• मोबाईल: 9822491201
• पत्ता: महानगरपालिका शाळा क्र. 2, सुभाष पुतळा जवळ, धुळे

चार्ज कार्यालय क्र. 3

• समाविष्ट प्रभाग: 13, 14, 16, 18, 19
• चार्ज अधिकारी: श्री. राजेंद्र माईनकर
• मोबाईल: 9422786402
• पत्ता: महानगरपालिका शाळा क्र. 5, मनोहर सिनेमा हॉल जवळ, धुळे

चार्ज कार्यालय क्र. 4

• समाविष्ट प्रभाग: 8, 9, 10, 17
• चार्ज अधिकारी: श्री. किशोर वाघ
• मोबाईल: 9422333719
• पत्ता: अशोक नगर वॉटर टँक, स्टाफ क्वार्टर्स, लेनिन चौक, धुळे

जनगणना 2027 – टप्पानिहाय माहिती (Phase-wise Information)

भारत सरकार व महाराष्ट्र शासन यांच्या मार्गदर्शक सूचनांनुसार जनगणना 2027 ही धुळे येथे डिजिटल पद्धतीने राबविण्यात येणार आहे.

आयुक्त यांची प्रधान जनगणना अधिकारी व उपायुक्त यांची शहर जनगणना अधिकारी म्हणून नियुक्ती करण्यात आली आहे. शहराचे 4 चार्ज कार्यालयांमध्ये विभाजन करण्यात आले आहे.

महानगरपालिका स्तरावर:

• 1 मास्टर ट्रेनर
• 32 फील्ड ट्रेनर
  नियुक्त करण्यात आले आहेत.

स्वयं नोंदणी कालावधी (Self-Enumeration Period)

• 01 मे 2026 ते 15 मे 2026

नागरिकांना अधिकृत जनगणना पोर्टलवर स्वतःची माहिती ऑनलाईन भरता येईल. ही प्रक्रिया सोपी, जलद व पारदर्शक आहे.

टप्पा 1: घरगुती नोंदणी व गृहनिर्माण जनगणना (Phase I)

• 16 मे 2026 ते 14 जून 2026

संकलित माहिती:

• घराचा प्रकार
• वापर
• खोल्यांची संख्या
• पिण्याचे पाणी
• स्वच्छतागृह
• वीज
• इंधन
• इंटरनेट सुविधा
• निवास स्थिती
• मालकी हक्क

टप्पा 2: लोकसंख्या जनगणना (Phase II)

• 01 फेब्रुवारी 2027 ते 28 फेब्रुवारी 2027
• संदर्भ दिनांक: 01 मार्च 2027

संकलित माहिती:

• नाव, वय, लिंग
• कुटुंब प्रमुखाशी नाते
• वैवाहिक स्थिती
• शिक्षण
• व्यवसाय
• भाषा
• स्थलांतर
• अपंगत्व (लागू असल्यास)
• जन्म नोंदणी

नागरिकांसाठी सूचना (Important Appeal)

धुळे महानगरपालिका क्षेत्रातील सर्व नागरिकांनी जनगणना 2027 या उपक्रमास सहकार्य करावे व अचूक माहिती द्यावी.

• माहिती पूर्णपणे गोपनीय ठेवली जाते
• केवळ सांख्यिकीय उद्देशासाठी वापरली जाते
• विकास व नागरी सेवांच्या नियोजनासाठी उपयुक्त

अचूक माहितीमुळे शहराचा सर्वांगीण विकास साध्य होतो.