प्रभाग समिती कार्यालय

धुळे महानगरपालिका क्षेत्रातील नागरिकांना स्थानिक पातळीवर सेवा अधिक जलद व सुलभ पद्धतीने उपलब्ध करून देण्यासाठी शहराचे ४ क्षेत्रीय कार्यालयांमध्ये विभाजन करण्यात आले आहे. प्रत्येक क्षेत्रीय कार्यालयाच्या कार्यक्षेत्रात काही प्रभाग समाविष्ट असून त्या प्रभागांमधील नागरी सुविधा, परवाने, स्वच्छता, अतिक्रमण कारवाई, जन्म-मृत्यू नोंदणी, विवाह नोंदणी व इतर स्थानिक प्रशासनाची कामे संबंधित प्रभाग समिती कार्यालयामार्फत केली जातात.

प्रभाग समिती कार्यालयांमुळे नागरिकांना महानगरपालिकेच्या सेवांसाठी मुख्य कार्यालयात जाण्याची आवश्यकता कमी होते व स्थानिक पातळीवरच सेवा उपलब्ध होतात. प्रत्येक प्रभाग समिती कार्यालयामध्ये प्रभाग अधिकारी नियुक्त करण्यात आले असून ते नागरिकांच्या तक्रारींचे निराकरण, परवानगी प्रक्रिया व विविध नागरी सेवा उपलब्ध करून देतात.

क्षेत्रीय अधिकारी कार्यालयाचा पत्ता, अधिकाऱ्याचे नाव व पद

प्रभाग समिती कार्यालयाची प्रमुख कामे 

प्रभाग स्तरावर नागरिकांना विविध सेवा उपलब्ध करून देण्यासाठी खालील कामे केली जातात:

1. प्रभाग स्तरावर दैनंदिन स्वच्छता विषयक कामकाज पार पाडणे.

2. स्वच्छ भारत अभियान व माझी वसुंधरा अभियानाची अंमलबजावणी करणे.

3. तात्पुरत्या जाहिरात फलकांना परवानगी देणे व अनधिकृत जाहिरात फलकांवर कारवाई करणे.

4. तात्पुरत्या मंडपांना परवाना देणे.

5. अतिक्रमण व अनधिकृत बांधकामांवर कारवाई करणे.

6. धोकादायक इमारतींबाबत आवश्यक कारवाई करणे.

7. बेवारस वाहनांवर कारवाई करणे.

8. विवाह नोंदणी विषयक कामकाज पार पाडणे.

9. दैनिक परवाने देणे व शुल्क वसुली करणे.

10. राष्ट्रीय फेरीवाला धोरणाची प्रभाग स्तरावर अंमलबजावणी करणे.

11. साठा परवाना देणे व शुल्क वसुली करणे.

12. जन्म व मृत्यू दाखल्यांच्या नोंदी व वितरण करणे.

13. नागरी सुविधा केंद्र स्थापन करणे व सेवा नियमित ठेवणे.

14. ग्रंथालय व वाचनालय व्यवस्थापन विषयक कामकाज पाहणे.

15. मोकाट जनावरांचा बंदोबस्त करणे.

    प्रभाग अधिकारी संपर्क माहिती